काठमाडौं । इजरायलले यो महिनाको सुरुमा कब्जा गरेको वेस्ट बैंकमा गोली चलाएको आशंकामा दुई सशस्त्र आक्रमणकारीलाई मारेको जनाएको छ। उक्त आक्रमणमा तीन इजरायलीको मृत्यु भएको थियो ।
बुर्किनाको उत्तरी वेस्ट बैंक सहर जेनिन नजिकै बुधबार राति इजरायली सेनासँगको भीषण गोली हानाहानमा कुतैबा शालाबी र मोहम्मद नाज्जलको मृत्यु भएको थियो।
प्यालेस्टाइनको स्वास्थ्य मन्त्रालयले उनीहरुको शव इजरायली सेनाले कब्जा गरेको र उनीहरु रहेको घर ध्वस्त भएको बताएको छ । हमासले विज्ञप्ति जारी गर्दै उनीहरू आफ्ना लडाकु भएको दाबी गरेको छ ।
इजरायलले आफ्नो लक्ष्य हमास र प्यालेस्टिनी इस्लामिक जिहादले समर्थन गरेका सशस्त्र समूहहरूलाई यहाँ नष्ट गर्नु र इजरायली लक्ष्यहरूमा आक्रमण गर्नबाट रोक्नु रहेको बताएको छ।
यसअघि गत आइतबार इजरायल र हमासबीच गाजामा युद्धविराम लागू भएको थियो।
