बारा । भारतबाट हातहतियारसहित नेपाल प्रवेश गरेका दुई भारतीय नागरिक पक्राउ परेका झन् ।
पक्राउ पर्नेमा भारत बिहार राज्यको पूर्वी चम्पारण मोतिहारी डेका ग्रामपंचायत १३ बस्ने बर्ष २१ का चन्दन राम र वर्ष २० का अभिषेक कुमार छन् ।
दुवै जनालाई सशस्त्र प्रहरीले बिहीबार अपराह्न साढे ५ बजेको समयमा बाराको सिम्रौनगढ नगरपालिका ८ पातलो बाटो नहर चोक स्थित भारतबाट पक्राउ गरेको सशस्त्र प्रहरी प्रदेश २ का प्रमुख डिआइजी गणेश ठाँडाले जानकारी दिए ।
उनका अनुसार भारतबाट नेपाल आउँदै गरेको BR-505 AJ 4420 को भारततीय नम्बर प्लेटको मोटरसाइकलमा विशेष सुराकीको आधारमा चेकजाँच गर्दा हतियारसहित दुबैजना पक्राउ परेका हुन् ।
दुवैजनाको साथबाट अटोमेटिक युएसए लेखेको १ थान पेस्तोल, ७.६५ एमएमको २ राउन्ड गोली, त्यसमा प्रयोग हुने एकवटा म्याग्जिन, चकु, लागुऔषध गाँजा २ सय ग्राम लगायत बरामद गरिएको उनलेे बताए ।
उनीहरूलाई बीओपी गोलागंज बारामा ल्याई आवश्यक कारवाहीको लागि ईलाका प्रहरी कार्यालय सिम्रौनगढमा बुझाउने प्रकृयामा रहेको प्रहरीले जनाएको छ ।
