लहान संगठन विस्तारका लागि जसपा नेपालको रणनीति तय

महेश सिंह लहान- जनमत समाजवादी पार्टी नेपाल लहान नगर समितिको बैठक आइतबार सम्पन्न भएको छ। नगर अध्यक्ष राम उदगार महतोको अध्यक्षतामा बसेको बैठकले संगठन सुदृढीकरण र विस्तारका लागि विभिन्न निर्णयहरू गरेको छ।
बैठकले सहिद पार्क निर्माण,पार्टी कार्यालय खोल्ने र सहिद गेट निर्माण र लहान नगरपालिकाले उप- प्रमुख राम चलितर महतोलाई पालिकाले अधिकारबाट बन्चित गर्ने र मानसिक यातना दिने गरेको कुरामा छ्लफल गर्दै अगामी आउने निर्वाचनमा सफलता  विस्तारका लागि आवश्यक रणनीति तय गर्दै संगठनलाई बलियो बनाउने निर्णय गरेको छ। नगर क्षेत्रका सबै वडामा पार्टीको उपस्थिति मजबुत बनाउन कार्ययोजना निर्माण गर्ने निर्णय समेत गरिएको अध्यक्ष महतोले जानकारी दिए।
‘पार्टीको जनाधार बढाउन घरदैलो कार्यक्रमदेखि सार्वजनिक कार्यक्रमसम्म सञ्चालन गर्ने योजना छ,’ नेता बैजनाथ साहले भने, ‘संगठनलाई एकताबद्ध र प्रभावकारी बनाउने दिशामा अघि बढेका छौं।’
बैठकले लहान क्षेत्रका समस्यालाई प्राथमिकतामा राख्दै जनतामाझ पुग्ने, संगठनका संरचना थप व्यवस्थित गर्ने तथा युवालाई जिम्मेवारी दिने निर्णयसमेत गरेको छ। कार्यक्रममा जिल्ला नेतृत्त्वदेखि वडा तहका पदाधिकारीहरूको उपस्थिति रहेको थियो। उक्त कार्यक्रममा मधेस प्रदेश सभा सदस्य तथा पार्टीका केन्द्रिय सदस्य ललिता दास,पार्टीका नेता दिनेश महतो, राम चलित र महतो,कारी यादव,ललित महतो,ललिता यादव,प्रमोद महतो,शत्रुधन मंण्डल,बलिराम यादव, लागतका नेताहरुको उपस्थिति रहेको थियोे।
बैठकमा उपाध्यक्ष मनोज यादव,कोषाध्यक्ष योगेन्द्र यादव लगायतको उपस्थिति थियो। उनीहरूले पार्टीलाई सशक्त बनाउन एकजुट भएर काम गर्ने प्रतिबद्धता व्यक्त गरेका छन्।
नगर अध्यक्ष साहले पार्टीको नीति र कार्यक्रमलाई जनस्तरसम्म पुर्‍याउने प्रयास भइरहेको बताउँदै आगामी दिनमा थप योजना सार्वजनिक गरिने जानकारी दिए।