सिरहा । सिरहाबाट एक युवकलाई प्रहरीले पक्राउ गरेका छन् ।
पक्राउ पर्नेमा जिल्लाको गोलबजार नगरपालिका वडा नं. ६ डोहटिया टोलका २७ वर्षीय पंकजकुमार महतो रहेको सिरहा प्रहरीले जनाएका छन् ।
महतोलाई १ थान म्याग्जिन नभएको पेस्तोलसहित शनिबार राति प्रहरीले पक्राउ गरेको छ ।
आफ्नै घरमा हातहतियार लुकाई राखेको सूचनाको आधारमा ईलाका प्रहरी कार्यालय गोलबजारबाट खटिएको प्रहरीले पेस्तोलसहित उनलाई पक्राउ गरेको हो ।
यस सम्बन्धमा थप अनुसन्धान भइरहेको प्रहरीले जनाएको छ ।
