नयाँ दिल्ली । भारतीय प्रधानमन्त्री नरेन्द्र मोदीले भारतको विश्वव्यापी छवि बिगार्ने प्रयास भइरहेको बताएका छन्। ब्रह्मा कुमारीहरूको पहलमा आयोजित आजादी के अमृत महोत्सव से स्वर्णिम भारत के ओर कार्यक्रमको उद्घान गर्दै प्रधानमन्त्री मोदीले भारतको छवि बिगार्ने प्रयासहरुलाई असफल पारिने चेतावनीसमेत दिएका छन्।
‘यसलाई राजनीति मात्रै हो भनी यतिबै बेवास्ता गर्न मिल्दैन, किनकी यो सिंगो भारतको प्रतिष्ठाको प्रश्न भएको प्रधानमन्त्री मोदीले बताए। प्रधानमन्त्री मोदीले ब्रह्मा कुमारी र अन्य अन्तर्राष्ट्रिय निकायहरूले भारत विरोधी प्रचारको प्रतिकार गर्न भूमिका खेलिरहेको भन्दै प्रशंसासमेत गरेका छन्। ब्रहमकुकारीले यो सुनिश्चित गर्नुपर्दछ कि विभिन्न देशहरूमा मानिसहरूलाई सही जानकारी प्रदान गरिएको छ। भारत विरुद्ध फैलिएको अफवाहविरुद्ध लड्नु हामी सबैको दायित्व हो,” मोदीले भने।
यद्यपि उनले कुनै विशेष घटनालाई निर्दिष्ट वा संकेत गरेनन्, तर प्रधानमन्त्री मोदीले गत वर्ष अक्टोबर १२ मा यस्तै सन्देश पठाएका थिए। उनले राष्ट्रिय मानव अधिकार आयोग को २८ औं स्थापना दिवस समारोहलाई सम्बोधन गर्दै उनले मानवअधिकार सम्बन्धी मुद्दाहरू उठाउँदा मानिसहरूलाई विकल्प प्रस्तुत गर्ने नभइ उल्लंघनका विषयमा शून्य सहनहीलताको नीति अवलम्बन गर्न आग्रह गरेका थिए।
यसैबीच मोदीले ब्रह्मा कुमारीहरूलाई उनीहरूको आजादी का अमृत महोत्सव से स्वर्णिम भारत की ओर पहलको पनि प्रशंसा गरे। यस अवसरमा उनले मेरो भारत स्वस्थ भारत, आत्मनिर्भर भारत, आत्मनिर्भर किसान, महिलाः भारतको झण्डा वाहक, शान्ति बस अभियान, अन्देखा भारत साइकल र्याली, युनाइटेड इन्डिया मोटर बाइक अभियान, र स्वच्छ भारत अभियान अन्तर्गत हरित पहलका योजनाहरूको सुरुवात भएको पनि जानकारी गराएका छन्।
