काठमाडौँ । अफगानिस्तानमा जारी मानवीय संकटप्रति अन्तर्राष्ट्रिय संस्थाहरुले चिन्ता व्यक्त गरेका छन् ।
अफगानिस्तानमा मानवीय अवस्था अझ खराब हुँदै गएको भन्दै संयुक्त राष्ट्रसंघीय मानवीय समन्वय कार्यालय एसीएचए र विश्व खाद्य कार्यक्रम डब्लूएफपीले चिन्ता व्यक्त गरेको अफगानिस्तानमा प्रसारण हुने टोलो न्युजको अनलाइन संस्करणले जनाएको छ ।
ओसीएचएले ट्विट गर्दै अफगानिस्तानमा २ करोड ५० लाख मानिसहरु गरीबीको चपेटामा रहेको उल्लेख गरेको छ ।
यसबाहेक १ करोड ९० लाख मानिसहरु खाद्य असुरक्षाको जोखिममा रहेको, २ करोड ५० लाख मानिसहरु गरीबीमा बाच्न बाध्य भएको, ५८ लाख अफगानहरु आन्तरिक रुपमै विस्थापित भएको ओसीएचएले जनाएको छ ।
यस्तै विश्व खाद्य कार्यक्रमले पन अफगानिस्तानमा विकसित घटनाक्रमबारे चिन्ता व्यक्त गरेको टोलो न्यूजले जनाएको छ ।
डब्लूएफपीले ट्विट गर्दै भनेको छ– ‘आर्थिक संकटले अफगानिस्तानभर रोजगारी, तलब र जनजीविका बर्बाद बनाएको छ, समुदाय र परिवारलाई सहयोग गर्नु सबैभन्दा महत्वपूर्ण छ ।’
