महेश सिंह लहान,- सिरहा जिल्लाको लहान नगरपालिका–२१ स्थित श्री जनता आधारभूत विद्यालय, मोतीपुर मलहनमामा अध्ययनरत विद्यार्थीलाई विद्यालय ब्याग वितरण गरिएको छ।
पठनपाठनमा प्रयोग हुने शैक्षिक सामग्री सुरक्षित राख्न सकियोस् भन्ने उद्देश्यले विद्यालय व्यवस्थापन समिति (बिब्यास) को उपस्थितिमा ब्याग वितरण गरिएको हो।
कार्यक्रममा विद्यालयका शिक्षक, अभिभावक र बिब्यासका प्रतिनिधिको उपस्थिति रहेको थियो। विद्यालयले यस्ता सामग्री वितरणले विद्यार्थीमा सिकाइप्रति आकर्षण बढ्ने विश्वास व्यक्त गरेको छ।
विद्यालय प्रशासनले आर्थिक अवस्था कमजोर रहेका विद्यार्थीलाई लक्षित गर्दै आगामी दिनमा थप शैक्षिक सामग्री वितरण गर्ने योजना रहेको जानकारी दिएको छ।
