संजय विश्वकर्मा
लहान १५, फाल्गुन । देश र जनताको हितमा काम गर्ने एकमात्र पार्टी नेकपा एमाले रहेको पार्टीका केन्द्रिय सचीव योगेश भट्टराईले बताउनु भएको छ ।
सिरहाको विष्णुपुर गाउँपालिका वडा नम्बर – ५ लक्ष्मीपुरमा नेकपा एमालेको ८ औं वडा अधिवेशन तथा जेष्ठ नागरिक सम्मान कार्यक्रममा प्रमुख अतिथिको रुपमा बोल्दै भट्टराईले देशलाई सहि दिशामा लैजाने एक मात्र पुरानो पार्टी नेकपा एमाले रहेको दावी गरे ।
पुर्व मन्त्री समेत रहेका भट्टराईले भने, ‘ देश विकासको लागि नेपाली जनतालाई एमालेको खाँचो छ। ‘मधेश प्रदेशको विभिन्न समस्या सामाधान गर्न नेकपा एमाले सरकारमा रहेको बेला विभिन्न किसिमका योजनाहरु आगाडी सारेको बताए ।
‘कोविड महामारीमले विश्व नै प्रभावित रहेको बेला मुलुकमा एमाले पार्टीको सरकार थियो । कोविडबाट बँच्न देशको प्रत्येक गाउँपालिकामा १५ बेडको अस्पताल र नगरपालिकामा ५० बेडको अस्पताल बनाउन एमाले पार्टीको तत्कालीन सरकारले घोषणा गरेका थिए ।
बजेट पनि विनियोजन भएको थियो । तर अहिलेको नेपाली काङ्ग्रेसको बर्तमान सरकारले बजेट कटौती गरेको बाताउनु भयो ।
उनले भने , ‘तराई मधेसका प्रत्येक जिल्लाको जिल्ला अस्पतालमा अक्सिजन पलान्ट बनाउनका निम्ति बजेट बिनियोजन गरेका थियौं, उक्त योजना पनि अहिलेको बर्तमान सरकारले कटौती गरेको खुलासा गरे ।
तराई मधेस , हिमाल , पहाडको जिल्लाहरुमा पुर्वाधार निर्माण गर्न बजेट विनियोजन पनि भएको थियो त्यो पनि हालको नेपाली काङ्ग्रेसको सरकारले कटौती गरेको सचीव भट्टराईले सुनाए।
विजुली , सडक , शिक्षा , स्वास्थ्य ,रोजगार लगायतका विकासका पुर्वाधारहरु एमाले पार्टीको पहिलो प्राथमिकतामा रहेकोले देशलाई सहिदिशामा लैजान एमाले पार्टी मात्र भएको भट्टराईको दावी छ ।
अर्को प्रसङ्गमा उनले भने, ‘ मधेस र पहाडको ऎतिहासिक काल देखिको सम्बन्ध भएको उल्लेख गरेका छन् । मधेस पहाडको रोटी बेटी, भाषा , संस्कृती र लबजको सम्बन्ध रहेकोले अब आउने तिनै तहको चुनावमा नेकपा एमाले देशको पहिलो पार्टी बन्ने छ,भन्दै उनले , ‘नेपाली काङ्ग्रेसको नेतृत्वमा देश दिशाविहिन दिशातिर गईरहेको आरोप लगाए ।,
कार्यक्रममा एमाले पार्टी बाट प्रतिनिधिसभाका लागी सिरहा निर्वाचन क्षेत्र नम्बर – ३ बाट प्रत्यक्ष निर्वाचित प्रतिनिधि सभा सदस्य तथा संघिय सरकारका पुर्व कानुन मन्त्री लिलानाथ श्रेष्ठले किसानको मल खाद्यको समस्या सामाधान गर्न पार्टीबाट पहल भैरहेको बताउनु भयो । नेकपा एमालेको सरकार रहँदा देशमा आमूल परिवर्तनहरु भएको छ । २०५१ सालमा नेकपा एमालेबाट मनमोहन अधिकारी प्रधानमन्त्री रहँदा बृद्ध बृद्वाको सम्मानको लागि समाजिक सुरक्षा भत्ताको सुरुवत गरेको श्रेष्ठले स्मरण गराए ।
सत्यनारायण यादवको अध्यक्षतामा संचालित कार्यक्रममा वडा नम्बर १ देखि ५ सम्मका सयौं जना बृद्व बृद्वालाई गम्छा र दौसाला ओढाई सम्मान गरेका छन् । कार्यक्रममा विभिन्न पार्टी परित्याग गरि दर्जनौ युवाहरु पार्टी प्रवेश गरेका थिए । जिल्ला समन्वय समिती सिरहाका उप- सभापति सरोजकुमार यादवले उदघोष गरेको कार्यक्रममा नेकपा एमालेका सिरहा जिल्ला अध्यक्ष चन्देश्वर मण्डल सहित जिल्लाको हजारौं सक्रिय नेता तथा कार्यकर्ताहरुको उपस्थिति रहेको थियो ।
स्थानीय तहको चुनाव नजिकिदै गर्दा पार्टीको निर्देशन अनुसार एमाले पार्टीले वडा ,गाउँ र नगर अधिवेशन जारी राखेका छन् ।
