महेश सिंह लहान–लक्ष्मण ललिता माध्यमिक बिधालयमा अध्ययनरत छात्रा खुशबु सिंहले आफ्नो जन्म दिन बिशेष तरिकाले मनाएकी छन्। उनले बिधालयको प्रांगणमा फूल रोपेर समाजप्रति सकारात्मक सन्देश दिएको समाचार प्राप्त भएको छ।
खुशबु सिंह, विद्यालयकै लेखा प्रमुख श्यामसुन्दर महतोकी छोरी, लहान–३ का स्थानीय बासिन्दा हुन् र पढाइमा जेहेन्दार विद्यार्थीका रूपमा परिचित छन्। उनले आफ्नो व्यक्तिगत खुशी मात्र नभई समाज र सहपाठीहरूलाई पनि सकारात्मकता र सामाजिक चेतनाका सन्देश दिएको बताइएको छ।
विद्यालय व्यवस्थापनले पनि छात्राको पहलको प्रशंसा गर्दै, यस्तो सकारात्मक उदाहरणले अन्य विद्यार्थीमा पनि जागरुकता ल्याउने विश्वास व्यक्त गरेको छ।
