सुर्खेत – राष्ट्रिय एकता अभियानका अध्यक्ष विनय यादवले नेपालमा संघीय हिन्दू गणतन्त्र स्थापना आजको आवश्यकता रहेकोले अभियानले देशलाई संघिय हिन्दू गणतंत्र स्थापना गरेरै छाड्ने बताएका छन्।
सुर्खेत स्थित “संघिय हिन्दू गणतंत्र स्थपनाका लागि छलफल “आयोजित कार्यक्रममा उनले नेपालमा रहेको विविधतालाई जोड्ने आधार नै सनातन संस्कृति रहेकाले त्यसका जगेर्ना गर्दै मुलुक र मुलुकवासीलाई जोडिराख्न संघीय हिन्दू गणतन्त्र मात्र विकल्प रहेको बताए। ‘जुन दिन सनातन संस्कृति समाप्त हुन्छ, त्यस दिन राष्ट्रिय एकता पनि समाप्त हुनेछ,’ उनले भने, ‘हरेक ४० किलोमिटरमा हाम्रो देशमा सांस्कृतिक विविधता छ। अलग–अलग संस्कार, संस्कृति र भेषभुषा छ। पूर्वदेखि पश्चिमसम्म विविधता छ। ती सबैलाई जोड्ने कडी सनातन संस्कृति हो र हिन्दू धर्म हो।’
हिन्दू धर्म मजबुत रहुन्जेल नेपालको राष्ट्रियता पनि मजबुत हुने उनले बताए। ‘राष्ट्रियता पसलमा खरिद गर्न मिल्ने वस्तु होइन, अनादि कालदेखि चलिआएको संस्कृति नै राष्ट्रियताको आधार हो,’ उनले भने, ‘नेपालमा अनादि कालदेखि चलिएको संस्कृति सनातन संस्कृति हो।’
‘संघीय हिन्दू गणतन्त्र स्थापना नभएसम्म हामी चयनको निद्रा निदाउने छैनौं। चयनसाथ भोजन गर्ने छैनौं,’ उनले जोड दिए। नेपालभरी बिभिन्न हिन्दू संघ संस्था कार्य गरीरहेकोमा सबैलाई सम्मान गर्नु साथ अब हिन्दूबादीहरुले राजनैतिक विकल्प खाडा नगर्ने हो भने हिन्दूसमाजलाई धर्मनिरपेक्ष शक्तिहरुले अझ झन दुःख दिने बताये, बर्तमानका सबै राजनैतिक दलहरु हिन्दू बिरोधी भएको हुनाले हिन्दूबादीहरु राजनैतिक रुपमा अगाडि बढ़नुको बिकल्प नरहेको बताउनु भयो।
कार्यक्रमका विशिष्ट अतिथि प्रदेश सांसद मा. जानकी सिंहले दोस्रो जनआन्दोलनपछि निर्माण गरिएको अन्तरिम संविधानमा कसैलाई जानकारी नै नदिई धर्म निरपेक्षता घुसाइएको बताइन । मुलुकमा संघीय हिन्दू गणतन्त्र स्थापना गर्न राष्ट्रिय एकता अभियानले अगाडि सारेको एजेन्डा सबै नेपालीको हृदयमा छुने खालको भएको उनले बताइन ।
हाम्रो मुलुक बन्नु अघिदेखि नै सनातन संस्कार, संस्कृति र हिन्दूत्वको पदार्पण भएको बताइन । तर, आफ्नो संस्कार र संस्कृतिलाई भुल्दै जाँदा दुःख पाउने अवस्थामा नेपाल र नेपाली रहेको उनले बताइन । ‘हामीले हाम्रो सनातन धर्म, संस्कार, संस्कृतिको रक्षा गर्न सक्यौं भने संसारको सबैभन्दा शक्तिशाली मुलुक नेपाल बन्नेछ,’ उनले भनिन ।
कार्यक्रमको सभापतित्व गरि रहेका समाजसेवी काली प्रसाद शाक्यले अभियानले संघीय हिन्दू गणतन्त्रको नयाँ अवधारणा ल्याएकामा अब एक जुट भई अगाडि बाढंनु को बिकल्प नरहेको बताये । ‘विगतमा हिन्दू धर्मलाई राजतन्त्रसँग जोडेर हेर्ने गरिएको थियो।त्यसकारण पहिचानवादीहरु हिन्दूराष्ट्रको बिरोध गर्ने गरेको पाइँछ तर अभियानको संघिय हिन्दू गणतंत्रको अवधारणाले सबलाई समेटेको छ।
कार्यक्रम संचालन हिन्दूवादी योद्धा ललित भटराईले गर्नु भएको थियो।
