काठमाडौं । दक्षिण-पश्चिम प्रशान्त महासागरमा संसारको सबैभन्दा ठूलो कोरल फेला परेको छ। खोज टोलीले यो ब्लु ह्वेल भन्दा ठूलो भएको बताएको छ।
नेसनल जियोग्राफिक सिपका लागि काम गर्ने एक भिडियोग्राफरले कोरल फेला पारेका हुन् । जलवायु परिवर्तनले कस्तो असर पारेको छ भनेर हेर्न उनी त्यहाँ गएका हुन् ।
वैज्ञानिकहरुले यो कोरल ३४ मिटर चौडा, ३२ मिटर लामो र ५.५ मिटर अग्लो रहेको बताएका छन् । जलवायु परिवर्तनका कारण कोरल धेरै नष्ट हुँदै गएको पनि बताइएको छ ।
विश्वको तापक्रममा भएको वृद्धिलाई रोक्ने उद्देश्यले अजरबैजानमा कन्फ्रेन्स अफ द पार्टिज (कोप २९) को बैठक बसिरहेको अवस्थामा सबैभन्दा ठूलो कोरल फेला परेको घोषणा गरिएको हो ।
सोलोमन टापुका जलवायु मन्त्रीले बीबीसीलाई भने – भर्खरै पत्ता लागेको कोरलले उनको देशलाई गर्व गर्ने बनाएको छ।
