महेश सिंह लहान,-एक्सनएड नेपालको आर्थिक तथा प्राविधिक सहयोगमा दलित जनकल्याण युवा क्लब, लहान–२० द्वारा विपद् जोखिम न्यूनीकरण तथा नीतिगत विषयमा लक्षित संवाद कार्यक्रम सम्पन्न गरिएको छ। लहान नगरपालिका स्तरीय उक्त कार्यक्रममा नगर प्रमुख महेश चौधरी प्रमुख,प्रसासकिय अधिकृत जय कान्त झा वडाध्यक्षहरू तथा अन्य सरोकारवाला निकायका प्रतिनिधिहरूको विशेष उपस्थिति रहेको दलित जनकल्याण युवा कल्बका समाजिक परिचालक राज कुमार पासवानले जानकारी दिनु भयो।
कार्यक्रमको उद्देश्य विपद् जोखिम न्यूनीकरण सम्बन्धी स्थानीय नीति निर्माण,कार्यान्वयनमा सरोकारवालाहरूको सहभागिता अभिवृद्धि गर्नुका साथै प्रभावकारी समन्वय र पूर्वतयारी सुनिश्चित गर्नु रहेको आयोजक संस्था दलित जनकल्याण युवा क्लबले जनाएको छ।
सम्बन्धित निकायहरूका प्रतिनिधिहरूले स्थानीयस्तरमा देखिएका प्रमुख जोखिम, चुनौतीहरू तथा समाधानका उपायहरूबारे विचार आदानप्रदान गरेका थिए। साथै, सहभागिहरूबीच विपद् व्यवस्थापनको दीर्घकालीन रणनीति, समुदायमा जनचेतना अभिवृद्धि र दिगो समाधानका उपायहरूबारे महत्वपूर्ण छलफल भएको थियो।
कार्यक्रमले स्थानीय सरकार, नागरिक समाज र सरोकारवालाबीच समन्वयात्मक कार्यशैली विकास गर्न सहयोग पुग्ने विश्वास व्यक्त गरिएको छ।
