महेश सिंह लहान सिरहा- सिरहामा एक मर्मस्पर्शी दुर्घटना भएको छ। श्री हनुमान प्रसाद शारदा माध्यमिक विद्यालय, इनर्वामा कक्षा ७ मा अध्ययनरत एक छात्राको साइकल दुर्घटनामा परी घटनास्थलमै निधन भएको छ।
विद्यालयमा परीक्षा दिएर घर फर्किने क्रममा छात्रा लालपुर गाउँ पुगेकी थिइन्। गाउँमा आर.सी.सी. ढलानमा निर्माण गरिएको ब्रेकर (Speed Breaker) मा उनको साइकल ठोक्किन पुग्यो। साइकलबाट लड्दा गम्भीर चोट लागेर छात्राको तत्कालै मृत्यु भएको स्थानीयले जनाएका छन्।
यो दुःखद खबरले सम्पूर्ण विद्यालय परिवार र स्थानीय समुदाय स्तब्ध बनेको छ।
यस असहनीय पीडाको घडीमा दिवंगत आत्माको चिरशान्तिको कामना गर्दै शोकाकुल परिवारजनमा धैर्यधारण गर्ने शक्ति मिलोस् भनी प्रार्थना गर्दछौं।
