महेश सिंह लहान सिरहा- सिरहाको नवराजपुर गाउँपालिका–३, जगतपुर निवासी ईश्वरदेव यादवका पूजनीय पिता सितराम यादवको असामयिक निधनले समग्र नवराजपुर क्षेत्र शोकमग्न बनेको छ।
समाजमा एक धार्मिक, सेवाभावी तथा मानवीय व्यक्तित्वका रूपमा परिचित स्वर्गीय यादवले आफ्नो जीवनकालमा सर्पदंश पीडित हजारौँ व्यक्तिहरूको ज्यान जोगाउन उल्लेखनीय भूमिका निर्वाह गर्दै आउनुभएको थियो।
जीवन रक्षाको कार्यप्रति सधैँ तत्पर रहने उहाँको योगदान समाजका लागि अमूल्य रहेको स्थानीयवासीहरूले स्मरण गरेका छन्। स्वर्गीय सितराम यादवले समाजसेवाको भावना र मानव जीवनप्रतिको सम्मानलाई व्यवहारमा उतार्दै धेरैको जीवन बचाउन सफल हुनुभएको थियो। उहाँको निधनले केवल परिवार मात्र होइन, समग्र नवराजपुरवासीले एक असल समाजसेवी गुमाएको अनुभूति गरेका छन्।
मृतक आत्माको चिरशान्तिको कामना गर्दै शोकसन्तप्त परिवारजनप्रति गहिरो समवेदना व्यक्त गरिएको छ। साथै, दुःखको यस घडीमा परिवारजनलाई धैर्य धारण गर्ने शक्ति प्राप्त होस् भन्ने कामना गरिएको छ।परिवार स्रोतका अनुसार स्वर्गीय यादवको पार्थिव शरीरलाई हिन्दु अन्त्येष्टि परम्पराअनुसार गाउँमै अन्तिम संस्कार गरिनेछ। स्वर्गीय सितराम यादवप्रति भावपूर्ण श्रद्धाञ्जली।
